11.02.06

Mei Angst
Ihr vabuiffats Millionen, ihr sprengts in d´Luft
und lassts krepieren.
Sperrts junge Leit in Kasernen und züchts eich
Menschn ohne Hirn
Ihr lasst Behinderte um Rentn bettln,
führts eich wia Götta auf,
habts Macht,
ihr bestimmts wer heit studiert und wer de
Dreckarbeitn macht.
Machts Politik für a boor Leit de eich nu zoin,
langts zua und lachts.
Ihr seits erpressbar wia a Kind de ma an Guatl gibt,
daß schlaft.
Verbauts de Wöid, leere Versprechn
und hoits doch nix von dem was sagts.
Ihr seits nu übabliem von damois,
und hoits de oiten Zeitn wach.
Früha hams Hitla ghoaßn, Himmla,
heit hoaßns Beckstein, Haider...
Früha warns d Juden, heit die schwarzen
es kommt se ois aufs söibe raus.
Ihr schürts den Hass von Millionen
und suachts für für eire Fehla Leit
de ma vahoazn kon, wia damois
und koana merkt, wos ihr do dreibts.
Ihr fressts eich voi in eire Hüttn,
lachts euch an Arsch voi über de,
de auf da Strassn stehen und friern
und kämpfen für a guade Idee.
Ihr machts do weida, wo des aufgheat ham,
a Hand voi Nazis, a boor Leit
de heit regiern un Hunderttausend
de hirnlos drunten stehen und schrein.




Hans Söllner